Այսօր տեղի ունեցած նիստում կառավարությունը հավանություն է տվել ՀՀ վարչապետի 2012թ. մարտի 2-ի որոշմամբ ստեղծված միջգերատեսչական հանձնաժողովի առաջարկած ծրագրին, որի կատարման դեպքում կվերականգնվեն Երևան քաղաքի Փ. Բուզանդի փ. 13-21 հասցեներում ձախողված կառուցապատման ծրագրից տուժած անձանց գույքային կորուստները: Ծրագրի կատարման դեպքում կլուծվի մի կողմից` նշված հասցեների շինարարության ավարտման հարցը, մյուս կողմից «Վիսկոն» ՍՊԸ-ի գործունեությունից տուժած մոտ 110 անձանց բավարարում տրամադրելու խնդիրը: