Երեկ՝ ժամը 19.50-ին, ոստիկանության Երևան քաղաքի վարչության հերթապահ մասից ոստիկանության Արաբկիրի բաժնում հաղորդում է ստացվել, որ անհայտ անձը հափշտակել է 41-ամյա Բենիամին Մ.-ի բջջային հեռախոսը: 

Մեկնած օպերատիվ խումբը պարզել է, որ նույն օրը, ժամը 19.30-ին, Սուրիկ Ս.-ն Հրաչյա Քոչարի փողոցի թիվ 25 շենքի մոտ բացահայտ հափշտակել է Բենիամին Մ.-ի  «Նոկիա» բջջային հեռախոսը և դիմել փախուստի:

Ձեռնարկվում են միջոցառումներ Սուրիկ Ս.-ին հայտնաբերելու ուղղությամբ: Կատարվում է նախաքննություն: