![](/static/articles/03/11/37/l-4iXKMX95dd.jpg)
Իրանի քաղաքացին փորձել է թմրանյութ արտահանել Հայաստանից
Պետական եկամուտների կոմիտեի նախաբացթողումային հսկողության վարչության աշխատակիցները թմրանյութի ապօրինի տեղափոխման խոշոր դեպք են բացահայտել, ինչն, ըստ ՊԵԿ-ի նախաբացթողումային հսկողության վարչության պետ Վահրամ Գուրողլյանի, աննախադեպ է այս տարվա ընթացքում: «Օրերս հայտնաբերել ենք թմրանյութի ապօրինի տեղափոխման 2013 թվականի ընթացքում ամենախոշոր խմբաքանակը: Իրացնելով օպերատիվ տվյալները` «Զվարթնոց» օդանավակայանի բեռնային համալիրում կանխվել է շուրջ 8կգ թմրանյութի արտահանման փորձ: Իրանի մի քաղաքացի, փոստային ծանրոցի միջոցով փորձ է կատարել ավելի քան 5,5կգ թմրանյութ ուղարկել Կանադա: Ունենալով կասկածներ դեպքի շարունակելի լինելու վերաբերյալ` մի քանի օր անց, Ազգային անվտանգության ծառայության աշխատակիցների հետ համատեղ կանխեցինք նույն քաղաքացու կողմից ևս 3կգ թմրանյութի արտահանման փորձը»,- նշել է Վահրամ Գուրողլյանը:
ՊԵԿ-ը տեղեկացնում է, որ շուրջ 8կգ թմրանյութի առգրավման այս դեպքն աննախադեպ է 2013-ի ընթացքում. ուղիղ 2 տարի առաջ էլ վարչության կողմից ավելի քան 11 կիլոգրամ թմրանյութի ներկրման փորձ էր կանխվել Մեղրիի մաքսակետում, ինչը, Վահրամ Գուրողլյանի խոսքերով, դեռևս աննախադեպ քանակ է մնում մաքսային ծառայության ամբողջ պրակտիկայի ընթացքում:
Մեկնաբանել