Սակայն նրա գյուտը դեռ կիրառություն չունի անտարբեր վերաբերմունքի պատճառով

Կիմա Խաչատրյան

Շնորհիվ մի շարք կարևոր առավելությունների՝  հիդրավլիկական ուժային համակարգերը լայն կիրառություն են ստացել տնտեսության բազմաթիվ ճյուղերում: Սակայն ներկայումս արտադրվող հիդրոշարժիչներն ունեն մի լուրջ թերություն ՝ մեծ արագությունների դեպքում էապես ընկնում է նրանց արդյունավետությունը:

Ինժեներ Նորիկ Բարսեղյանի կողմից առաջարկված հիդրոշարժիչը հետաքրքիր մտահղացման արդյունք է, սակայն նրա կիրառման շրջանակը և տեխնիկական բնութագրերի ազդեցությունը շարժիչի աշխատանքային արդյունավետության վրա պարզելու համար անհրաժեշտ է մեկ կամ երկու նմուշ փորձարկել:

«Իմ նպատակը ոչ թե աշխարհի ժողովուրդներին պառակտելն է, այլ միավորելը», –  այսպես  սկսեց մեր զրույցը ինժեներ Նորիկ Բարսեղյանը, ով գրել է մի քանի աշխատանքներ՝ էլեկտրաէներգիայի խնայողության վերաբերյալ:  Հիդրոշարժիչի  օգտագործման իր նոր առաջարկով նա ներկայացնում է ավելի քիչ էներգիա խլող մի ծրագիր:

Բարսեղյանն էնեգիան ավելի ռացիոնալ օգտագործելու  տարբերակներ է տեսնում, սակայն առաջին հերթին կարևորում է շփումը աշխարհի տարբեր ծայրերում գտնվող մարդկանց հետ, որոնց նպատակն է ճիշտ  լուծել այս խնդիրը: Այդ նպատակով էլ դիմել է ՄԱԿ-ին, մասնակցել մի քանի միջազգային մրցույթների: Իսկ դիմելով  տեղական համապատասխան մարմիններին՝ երբևէ չի ստացել հստակ պատասխան:

«Բացի քաշքշուկներից ուրիշ ոչինչ չի եղել: Տարբեր մարմինների դիմել եմգիտական աշխատանքիս համար նյութեր ստանալու նպատակով:  Բացի թեորեմըներկայացնելուց այն ամենաքիչը մեկ-երկու անգամ փորձարկել, կիրառել է պետք:Իմ առաջարկը եզակի օրինակ է: Ես առաջարկում եմ էներգիա խնայելու լուրջտարբերակ, սակայն  «Թիակավոր շարժիչի» այս գյուտը ես միջանկյալ եմհամարում: Իմ գաղափարները  ներկայացրել եմ մասամբ, քանի որ խուսափել եմ հետագայում մեծ սխալների առջև կանգնելուց . սա գիտնականներին բնորոշվարքագիծ է: Գիտության համար նույնիսկ վաճառել եմ բնակարանս: Այժմ ռիսկիդիմել չեմ կարող: Երկու տղա ունեմ: Բացի այդ էլ՝ հասկացել եմ, որ ամեն ինչ իրչափն ունի: Ինձ նյութականը չի հետաքրքրում: Ինձ ուշադիր լսել և հասկանալ  էպետք»- նշեց Նորիկ Բարսեղյանը:

Այն հարցին, թե հնարավո ՞ր է արդյոք բուսական հումքից էլեկտրաէներգիա կամ վառելիք ստանալ, ինժեները պատասխանեց, որ  բնական ճանապարհներից մեկը արևից էներգիա ստանալն է, սակայն այն բավարար արդյունք չի կարող տալ, մեծ ծախսերի հետ է կապված և սահմանափակ է:

Իսկ ի ՞նչ է սպասվում ներկայիս էներգետիկային : Ի ՞նչ վտանգ է սպառնում հասարակությանը, եթե չլուծվեն էներգիախնայողության հարցերը:  Նորիկ Բարսեղյանի խոսքով ՝ պետք է ոլորտի մասնագետները հավաքվեն մի վայրում, քննարկեն , առաջարկեն իրենց գաղափարները և գան ընդհանուր հայտարարի, այլապես կաճեն  հիվանդությունների թիվը, ինչպիսիք են օրինակ սթրեսները, քաղցկեղը և այլն:

«Մեր նպատակն է փոքր էներգիայից ստանալ մեծ էներգիա: Էներգիան երբեք չիսպառվում: Ոչ թե պետք է մեկուսացնել 10տ CO₂-ը, այլ պարզապես չաղտոտելայն»,-ավարտեց ինժեները:

Նյութը կարդացեք նաեւ Ուսանողական թերթում: