Հայ ազգային կոնգրես-իշխանություն երկխոսության առաջին ռաունդում ձեռք բերված պայմանավորվածության համաձայն՝ համապատասխան պատվիրակությունների ղեկավարներ Լևոն Զուրաբյանը և Դավիթ Հարությունյանը հանդիպել են այսօր` հաջորդ հանդիպման տեղը, ժամանակը, պայմանները և կազմակերպչական հարցերը քննարկելու նպատակով:

Համաձայն ձեռք բերված պայմանավորվածության` բանակցությունները կտեղափոխվեն Մատենադարանի մերձակայքում գտնվող Կառավարության ընդունելությունների տուն: Հաջորդ հանդիպումը կկայանա հուլիսի 26-ին՝ ժամը 12:00-ին: Պայմանավորվածություն է ձեռք բերվել, որ զանգվածային լրատվության միջոցների ներկայացուցիչները կարող են հավատարմագրվել ինչպես Հայ ազգային կոնգրեսի, այնպես էլ իշխանության պատվիրակության կողմից: Այս մասին հայտնում են ՀԱԿ-ի կենտրոնական գրասենյակից: