Կառավարությունը ՀՀ էներգետիկայի և բնական պաշարների նախարար Արմեն Մովսիսյանին իրավունք է վերապահել թույլատրել «Հայգազարդ» ՓԲԸ-ին պատկանող` Տավուշի մարզի Հաղթանակ գյուղից մինչև Բագրատաշեն գյուղն ընկած տարածքում գտնվող, 1987թ. կառուցված, միջին ճնշման, 159 մմ տրամաչափի, 3 հազար 585 գծամետր և 219 մմ տրամաչափի 4 հազար 300 գծամետր երկարությամբ, ստորգետնյա գազատար խողովակներով վճարել ընկերության կողմից տեղաբաշխված, պետությանը պատկանող համապատասխան թվով բաժնետոմսերի ձեռքբերման դիմաց:

Նշված գույքն ամրացվել է ՀՀ տարածքային կառավարման նախարարության ջրային տնտեսության պետական կոմիտեի աշխատակազմին: Որոշման արդյունքում, համաձայն կառավարության, կլուծվի Տավուշի մարզի Պտղավան և Բագրատաշեն գյուղերի ջրամատակարարման հարցը: