Հուլիսի 27-ին Բրյուսելում կայանալիք Հյուսիսատլանտյան խորհրդի 28+1 ձևաչափով նիստին մասնակցելու նպատակով Բելգիա կմեկնեն ՀՀ արտգործնախարար Էդվարդ Նալբանդյանը և պաշտպանության նախարար Սեյրան Օհանյանը:

«Հյուսիսատլանտյան խորհրդի նիստի ընթացքում կքննարկվեն Հայաստան-ՆԱՏՕ համագործակցությունը և Անհատական գործընկերության գործողությունների ծրագրի կատարման ընթացքը»,- հայտնում է ԱԳՆ մամուլի, տեղեկատվության և հասարակայնության հետ կապի վարչությունը: