«Ես կարծում էի, որ ընդդիմությունն ավելի գլոբալ հարցեր կբարձրացներ և կոնկրետ կմատնանշեր այն թերությունները, որոնք իշխանություններն ունեն»,- հայտարարել է հանրապետական պատգամավոր Համլետ Հարությունյանը՝ անդրադառնալով այն փաստին, որ Կոնգրեսը շեշտը դնում է արտահերթ ընտրությունների վրա։

«ՉԻ» - Համլետ Հարությունյանն այս անգամ սխալվում է, որովհետև պահանջելով Սերժ Սարգսյանի հրաժարականը՝ Կոնգրեսը, փաստորեն, «կոնկրետ մատնանշել է թերությունը»։

Ինչ վերաբերում է «ավելի գլոբալ հարցերին», ապա անհասկանալի է, թե կոնկրետ ինչը նկատի ունի պրն Հարությունյանը։

Եթե ուղևորներով լի ավտոբուսն ամբողջ արագությամբ սլանում է դեպի անդունդը, ապա կարելի է, իհարկե, քննարկել մոլորակի գլոբալ տաքացման հիմնախնդիրը կամ ամերիկյան հնարավոր դեֆոլտի հետևանքները, բայց հավատացնում ենք՝ այդ պահին ամենագլոբալ հարցը վարորդին փոխելն է։