Փետրվարի 3-ին ՀՀ ոստիկանությունից տեղեկատվություն է ստացվել, որ Ծաղկաձորի ճոպանուղու մոտակայքում կորել է «ԱրմենՏել» ՓԲԸ-ի կոմերցիոն տնօրեն Արչիլ Մաղրաձեն. որոնողական աշխատանքների համար անհրաժեշտ է օգնություն:

Որոնողական աշխատանքների են մեկնել մեկ մարտական հաշվարկ և ՀՆՓԱԻԿ-ի հետախույզ - կինոլոգիական ջոկատը։ 

Որոնողական աշխատանքներին մասնակցել են մարզային ոստիկանության աշխատակիցներ:

Որոնողական աշխատանքների արդյունքում Ծաղկաձորի սպորտային համալիրի 3-րդ հատվածին հարակից սարալանջին` «Թթուջուր» կոչվող տարածքում, հայտնաբերվել է 1978 թ. ծնված Արչիլ Մաղրաձեի (Վրաստանի Հանրապետության քաղաքացի) դին:

Հրշեջ-փրկարարները դին սարալանջից իջեցրել և մոտեցրել են շտապօգնության մեքենային: Այս մասին հայտնում է ՀՀ ԱԻՆ-ն: 

Լուսանկարը` «ԱրմենՏել»-ի