«Էյ Թի Փի»-ն շարունակելու է բնապահպանական կրթության ծրագրերը
«Էյ Թի Փի» բարեգործական հիմնադրամը տեղեկացնում է, որ 2013թ. ընթացքում համագործակցել է Հայաստանում գործող մի շարք ՀԿ-ների հետ` ընդլայնելու իր բնապահպանական կրթության ծրագիրը և վերջինիս հասանելիությունը: Ներկայացնում ենք հիմնադրամի հղորդագրությունն ամբողջությամբ.
«Ժողովուրդների Զարգացման Միջազգային Կոմիտե իտալական կազմակերպության կողմից տրամադրված դրամաշնորհի միջոցով «Էյ Թի Փի» ԲՀ-ը Լոռու մարզում կայացած 8 հատուկ դասընթացների ընթացքում 125 ուսուցչի շնորհեց վերապատրաստման վկայականներ: Վերապատրաստվողների մեջ կային նաև այլ ՀԿ-ների ներկայացուցիչներ, ովքեր առաջին անգամ էին կիրառում «Էյ Թի Փի» ԲՀ-ի կողմից մշակված վերապատրաստաման մոդելը:
Համագործակցելով ՄԱԿ-ի Կլիմայի Փոփոխության ծրագրի և Ուորլդ Վիժն կազմակերպության հետ «Էյ Թի Փի» ԲՀ-ը ստացել էր ֆինանսավորում լրացուցիչ դասընթացների անցկացնման, ինչպես նաև Կարին և Մարգահովիտ գյուղերի բնապահպանական կրթության կենտրոններում դպրոցականների այցերի կազմակերպման նպատակով: Արդյունքում, 2013թ-ին ավելի քան 1,300 դպրոցականներ և ուսանողներ ուսումնական նպատակով այցելել են Մայքլ և Վիրջինիա Օհանյանների անվան բնապահպանական կրթական կենտրոն և ևս 800 հոգի` Մարգահովիտ գյուղի Օհանյան կենտրոն:
«Մեր կրթական կենտրոններ այցելելուց հետո թե՛ ուսուցիչները, և թե՛ երեխաները կիսվել են շատ դրական կարծիքներով: Սա վկայում է այն մասին , որ մենք նպաստում ենք հավաքական բնապահպանական գիտակցության ձևավորմանը»,- ասաց կրթական ծրագրերի վերապատրաստող Նվարդ Գևորգյանը:
Կոմպոստացումը, կենսահումուսի արտադրությունը, ոռոգման նպատակով անձրևաջրերի կուտակումը և թունաքիմիկատներից զերծ բանջարեղենի արտադրությունը հիմնական թեմաններից էին, որոնք շոշափվում էին Մարգահովտի Մայքլ և Վիրջինիա Օհանյանների անվան բնապահպանական կրթական կենտրոնում 2013թ-ին:
«Նախքան միասին աճեցնելը երեխաներից ոչ ոք չգիտեր, թե ինչ է բրոկոլին կամ որ ուրցը ստացվում է սերմից: Մեր նախաձեռնությունը երեխաներին տալիս է իրական, փորձի վրա հիմնված գիտելիքներ` ի տարբերություն գրքային գիտելիքի»,- ավելացրեց կրթական ծրագրի ղեկավար Ալլա Սահակյանը:
«Էյ Թի Փի» ԲՀ-ը հատուկ կարևորություն է տալիս բնապահպանական կրթության դասընթացների անցկացմանը այն դպրոցներում, որտեղ նախկինում իրականացվել է Համայնքային ծառատունկ ծրագիրը, որի արդյունքում տարածքը գեղեցկացվել է և տրամադրվել են պտղատու ծառեր: Այն համայնքներում, որտեղ մենք տնկումներ ենք իրականցնում, ազդեցությունը առավել մեծ է, քանի որ ուսանողները գիտակցում են ծառերի կարևորությունը` միաժամանակ աճեցնելով և հոգ տանելոց դրանց մասին»,- նշեց Սահակյանը:
2013թ-ին «Էյ Թի Փի» ԲՀ-ը իրականցրեց ավելի ծավալուն գործունեություն դպրոցականների հետ , քանի որ Panasonic կազմակերպության կողմից տրամադրված դրամաշնորհի արդյունքում հնարավորություն ընձեռնվեց տնկել ևս 20,000 ծառ: Դրամաշնորհը Անտառների ճանաչման (LEAF ) ծրագրի մասն էր կազմում:
ԱՄՆ-ի հայկական 6 դպրոցներ մասնակցեցին «Էյ Թի Փի» ԲՀ-ի Կառուցում ենք կամուրջներ ծրագրի մաս կազմող ամենամյա միջոցառմանը, որի ընթացքում Զվարթնոց տաճարի և Սարդարապատ հուշահամալիրի տարածքում տնկվեցին ծառեր: Այնուհետև այցելեցին «Էյ Թի Փի» ԲՀ-ի Կարին տնկարան, որտեղ էլ ամրապնդեցին կապը իրենց հայաստանաբնակ հասակակիցների հետ:
Տարվա մյուս նշանակալից իրադարձություններից է «Մի նոր բան» կարճամետրաժ ֆիլմի ցուցադրումը, որը պատմում է Լոս Անջելեսում և Մարգահովտում ապրող երկու զարմիկների մասին, ովքեր որոշում են Հայաստանը մաքրել աղբից: Ֆիլմի պրեմիերան տեղի ունեցավ նոյեմբերի 16-ին Մարգահովտի Օհանյան կենտրոնում, իսկ նոյեմբերի 28-ին Թումո ստեղծարար տեխնոլոգիաների կենտրոնում:
Վերջապես, «Էյ Թի Փի» ԲՀ-ը դարձավ նորաստեղծ Բնապահպանական կրթության կազմակերպությունների ցանցի անդամ և փորձում է մշակել բնապահպանական կրթության մեկ միասնական մոդել և խթանել համագործակցությունը ՀԿ-ների և կազմակերպությունների միջև: Հուսով ենք, որ 2014թ-ին կհամագործակցենք ցանցի հետ և էլ ավելի կընդլայնենք համագործակցությունն այնպիսի գործընկերների հետ, ինչպիսիք են ՅՈՒՆԻՍԵՖ-ը, ՄԱԿԶԱԾ-ը և ԳՄՀԸ-ն»:
Լուսանկարում` սերտիֆիկատ «Էյ Թի Փի»-ից` Վանաձորի 23 դպրոցի ուսուցչուհուն
Մեկնաբանել