![](/static/articles/03/25/l-0FNmCjFjFn.jpg)
«Հայկական ժամանակ». Էլ փող չեն տա
««Հազարամյակի մարտահրավերներ» կորպորացիան չի շարունակի ծրագրերի ֆինանսավորումը, քանի որ կառավարման որոշ թերացումներ կան ՀՀ-ում: Դա պետք է խթանի, որ ՀՀ կառավարությունն աշխատի ցուցանիշների բարելավման մասով»:
Այս հայտարարությունը երեկ արել է ՀՀ-ում ԱՄՆ դեսպան Մարի Յովանովիչը՝ պարզաբանելով, որ կառավարման թերությունները ներառում են նաեւ ընտրությունների անցկացման, մամուլի ազատության, հանրահավաքների կազմակերպման ոչ ազատ պայմանների խնդիրները:
Դեսպանն ընդգծել է, որ եթե Հայաստանի իշխանություններն աշխատեն թերությունները շտկելու ուղղությամբ, ֆինանսավորումը կարող է վերսկսվել:
Յովանովիչը նման հայտարարությամբ է հանդես եկել վարչապետ Տիգրան Սարգսյանի հետ Արագածոտնի մարզ՝ «Հազարամյակի մարտահրավերներ» հիմնադրամ-Հայաստան» ծրագրի տեղամասեր կատարած այցից հետո:
Լուսանկարը՝ Ֆոտոլուրի
Մեկնաբանել