Տեսանյութեր
Լուսանկարներ
«Չորրորդ ինքնիշխանություն». առ կալոշիս թայը
«Պետք է Տիգրան Սարգսյանին աշխատանքից հանել: Ձեր կոշիկի ձախ թայը հանեք դնեք վարչապետ՝ ավելի լավ կաշխատի այս պետությունը»,- հայտարարել է Հրանտ Բագրատյանը՝ պատասխանելով այն հարցին, թե ի՞նչ քայլեր պետք է անել Հայաստանի տնտեսական վիճակը շտկելու համար:
«ՉԻ»- Հրանտ Բագրատյանն, իհարկե, փոքր-ինչ չափազանցնում է. իրականում ամեն ինչ այդքան պարզ չէ: Նախ՝ անհասկանալի է, թե ինչու պետք է վարչապետի պաշտոնում նշանակել հատկապես կոշիկի ձախ թայը (Տիգրան Սարգսյանի վերջին ելույթներն ապացուցում են, որ աջ թայը նույնպես միանգամայն բարեհաջող կերպով կփոխարինի նրան): Երկրորդ՝ պրն Սարգսյանին կարող են փոխարինել ոչ բոլոր կոշիկները. դրանք պիտի լինեն կաուչուկե ներբաններով, սուրքիթ՝ ծակ-ծակ եւ առնվազն 42 «ռազմերի»: Բայց նույնիսկ այդ պայմանների ապահովման դեպքում պրն Բագրատյանի առաջարկը մեզ փոքր-ինչ անիրատեսական է թվում: Համենայնդեպս առ այսօր մեզ չի հանդիպել որեւէ իրեն հարգող կոշիկ, որը «Հայլուրով» հարցազրույցներ կտար, անմեղսունակ ժպիտով կներկայացներ վիճակագրական տվյալները եւ կատակներ կաներ արտագաղթի թեմաներով:
Մի խոսքով՝ Հրանտ Բագրատյանը երեւի պադոշն է նկատի ունեցել:
Մեկնաբանություններ (2)
Մեկնաբանել