ՀՀ Ազգային ժողովի ՀՅԴ խմբակցությունը վաղը հանդես է գալու «Նաիրիտ գործարան» փակ բաժնետիրական ընկերության մասնավորեցման, ստանձնած վարկային պարտավորությունների և անհրաժեշտ ծավալով տնտեսական գործունեություն չիրականացնելու պատճառներն ուսումնասիրելու Հայաստանի Հանրապետության Ազգային ժողովի ժամանկավոր հանձնաժողով ստեղծելու պահանջով:

«Վերոնշյալ հանձնաժողովի ստեղծմամբ բացահայտվելու են մատնանշված խնդիրների կուտակաման պատճառները, ինչպես նաև ստեղծված իրավիճակի համար մեղավորներին պատասխանատվության ենթարկելու հիմքերը:

Մենք սատարում ենք «Նաիրիտի» աշխատակիցներին, որոնք փետրվարի 12-ին իրենց պահանջները ներկայացրեցին ՀՀ նախագահին, և միևնույն ժամանակ կոչ ենք անում բոլորին` ս/թ փետրվարի 25-ին, երեքշաբթի, ժամը 14:00 լինել Ազգային ժողովի մոտ, Բաղրամյան 19, միասին սատարելու ՀՀ ԱԺ ՀՅԴ խմբակցության կողմից ՀՀ ԱԺ ժամանակավոր հանձնաժողով ստեղծելու պահանջին, որը ներկայացվելու է հրատապ արտահերթ օրակարգով»,- հայտնում է ՀՅԴ «Նիկոլ Աղբալյան» ուսանողական միությունը: