Այսօր ՌԴ դեսպանատան դեմ ակցիա իրականացնող քաղաքացիները տարածել են հայտարարություն, որը ներկայացնում ենք ամբողջությամբ:

Մենք՝ ՀՀ քաղաքացիներս, մեր բողոքի ձայնն ենք բարձրացնում ընդդեմ Ուկրաինայի տարածքում Ռուսաստանի կողմից ռազմական միջամտության՝ կոչ անելով վերջիններին հրաժարվել ագրեսիայից և շանտաժի քաղաքականությունից։

Մտահոգ լինելով ստեղծված իրավիճակով, մեր սոլիդարությունն ենք հայտնում Ուկրաինայի քաղաքացիներին՝ տարածելով հետևյալ հայտարարությունը.

Մենք չենք ընդունում իմպերիալիստական և կապիտալիստական պատերազմները։

Չենք ընդունում ազգայնամոլությունը, շովինիզմն ու քսենոֆոբիան։

Մենք դատապարտում ենք

• Ռուսաստանի վարած քաղաքականությունը,
• զորք մտցնելու իրավունք տված սենատորներին,
• որոշմանը կողմնակից քաղաքացիներին,
• պատմությունն ու ներկան աղավաղող ԶԼՄ-ները:

  ինչպես նաև՝

• Ուկրաինայի թերի-ֆաշիստական կուսակցություններին,
• իրենց համախոհ ազգայնամոլներին,
• Ուկրաինայի ժողովրդին դավաճանած կուսակցապետերին:

Մենք ատում ենք կապիտալիստական իմպերիալիզմի գործակալներին և նրանց լակոտներին Հայաստանում, որոնց համար պատերազմը հարստությունն ու իշխանությունը պահելու միջոց է միայն:

Մենք չենք կարող անտարբեր մնալ և պետք է անենք այն, ինչ կարող ենք, որպեսզի կանգնեցնենք այս հանցավոր էքսպանսիան, հուսալով, որ նույնը կարվի նաև Մոսկվայում, Պիտերում, Մինսկում, Կիևում, Թիֆլիսում... շարունակելի:

Խաղաղություն` ժողովուրդներին, պատերազմ` իշխանություններին