Աշխատանքային այցով Ժնևում գտնվող արտգործնախարար Էդվարդ Նալբանդյանը երեկ հանդիպել է Շվեյցարայի Համադաշնության նախագահ, արտաքին գործերի նախարար, ԵԱՀԿ գործող նախագահ Դիդյե Բուրկհալտերի հետ։

Հայաստանի արտգործնախարարը Դիդյե Բուրկհալտերին է փոխանցել նախագահ Սերժ Սարգսյանի գրավոր ուղերձը։ Հանդիպման ընթացքում կարևորվել է առևտրատնտեսական համագործակցության խթանման ուղղությամբ համատեղ քայլերի ձեռնարկումը։

Շվեյցարիայի նախագահն ու Հայաստանի արտգործնախարարը մտքեր են փոխանակել նաեւ ԵԱՀԿ օրակարգային խնդիրների, շվեյցարական նախագահության նախաձեռնությունների շուրջ։

Նախարար Նալբանդյանը նախագահ Բուրկհալտերին է ներկայացրել ղարաբաղյան հիմնախնդրի խաղաղ կարգավորման ուղղությամբ Հայաստանի և ԵԱՀԿ Մինսկի խմբի համանախագահների կողմից գործադրվող ջանքերը։ Այս համատեքստում Դիդյե Բուրկհալտերը վերահաստատել է աջակցությունը՝ Մինսկի խմբի համանախագահության գործունեությանը։

Հանդիպմանն անդրադարձ է արվել նաեւ այս տարվա հունիսին Դիդյե Բուրկհալտերի Հայաստան կատարելիք այցելությանը: