![](/static/articles/03/30/21/l-C3wXuawFUW.jpg)
Ընտրություն` առանց մրցակցության
Արմավիրի մարզի Դաշտ գյուղում ավագանու ընտրություններ են: Այս գյուղում, կարելի է ասել, ընտրություն չկա. 5 տեղի համար պայքարում է 5 թեկնածու: 710 ընտրողներից ժամը 11-ի դրությամբ ընտրությանը մասնակցել է 33-ը:
Քանի որ մրցակցություն չկա, ըստ էության թեկնածուներն արդեն ընտրված են: Հավանաբար դա է պատճառը, որ 5 թեկնածուներից ոչ մեկը վստահված անձ չունի:
Այլ ընտրությունների համեմատությամբ ավագանու ընտրությունները բավականին պասիվ են: Ընտրողները շահագրգռված չեն եւ պասիվ մասնակցություն են ցուցաբերում: Հանձնաժողովի անդամները ձանձրալի վիճակից դուրս գալու համար կատակում են. «Բա մի գազել մարդ չգար հիմա» կամ՝ «դուրս եկեք տեսեք տարածքում ընտրող չկա, բերեք թող քվեարկի»:
Նշենք, որ այս ընտրություններում ավագանու ամենաերիտասարդ թեկնածուն 23 տարեկան է՝ Աստղիկ Աղաջանյանը: Նա այս ընտրություններին փոխարինում է մորը՝ Անահիտ Աղաջանյանին: Վերջինս դարձել է համայնքապետարանի աշխատող եւ ավագանու իր տեղը «զիջում» է դստերը:
Մեկնաբանել