Տեսանյութեր
Լուսանկարներ
Սամցխե-Ջավախքում պատրաստվում են բնակչության ընդհանուր մարդահամարին
Մարտի 4-ից Սամցխե-Ջավախք շրջանի Բորջոմի, Ադիգենի, Ասպինձայի, Ախալցխայի, Ախալքալաքի և Նինոծմինդայի մունիցիպալիտետներում պատրաստվում են անցկացնել բնակչության ընդհանուր մարդահամարի նախապատրաստական աշխատանքները:
«Վրաստանի հայ համայնքը» տեղեկացնում է, որ նախապատրաստական աշխատանքները ներառում են մունիցիպալիտետներում ապրող բնակիչների ցուցակների կազմումը: Տվյալ նախապատրաստական աշխատանքների իրագործման համար «ՍակՍտատը» պատրաստել է 230 գրանցողներ, որոնք 14 օրվա ընթացքում կանցկացնեն բոլոր նախապատրաստական աշխատանքները: Նման նախապատրաստական աշխատանքներ արդեն անցկացվել են Աջարիայի Ինքնավար Հանրապետությունում, Գուրիայում, Կախեթիում, Սամեգրելոյում և մայրաքաղաք Թբիլիսիում:
Մարտի 20-ին նախապատրաստական աշխատանքներ կսկսվեն Քվեմո-Քարթլիում, իսկ ապրիլից` Իմերեթիում: Բնակչության ընդհանուր մարդահամարի նախապատրաստական աշխատանքների ընթացքում ընդհանուր առմամբ աշխատանքի է տեղավորվել 4000 մարդուց ավելի:
Կառավարական հանձնաժողովի որոշմամբ` Վրաստանի բնակչության ընդհանուր մարդահամարը կսկվի նոյեմբերի 5-ին և կտևի մինչ 2014թ.ի նոյեմբերի 19-ը: Մարդահամարի անցկացման ընթացքում աշխատանքի կտեղավորվի մինչև 15.000 մարդ, որոնք կիրականացնեն բնակչության փաստացի մարդահամար` կայցելեն բնակարաններ և կհարցաքննեն քաղաքացիներին», -ասված է Վրաստանի «ՍակՍտատ» Ազգային վիճակագրական ծառայության հայտարարությունում:
Հիշեցնենք, որ վերջին անգամ Վրաստանում բնակչության ընդհանուր մարդահամար է անցկացվել 2002թ.ին:
Հայ բնակչությանը վերաբերող մի քանի տվյալներ նախկին մարդահամարից
Վրաստանի բնակչության ընդհանուր քանակն է` 4 371 535 մարդ.
Վրաստանի ազգությամբ հայ քաղաքացիները` 248929 մարդ, ինչը կազմում է երկրի ընդհանուր բնակչության 5,7%-ը: Անհրաժեշտ է նշել, որ բնակչության նախկին մարդահամարի ժամանակ` 1989թ.ին, Վրաստանում հայերի քանակը կազմում էր 437211 մարդ, որը տոկոսային հարաբերությամբ ընդհանուր բնակչության 8,1 %-ն է: Այդ կերպ 1989-2002թթ. Ժամանակահատվածում Վրաստանում հայերի քանակը պակասել է 188282 մարդով:
Հայ քաղաքացիների տվյալներով ցուցակը`ըստ Վրաստանի շրջանների.
|
շրջան |
ընդհանուր բնակչություն |
հայեր |
տոկոսային հարաբերություն ընդհանուր բնակչությունից |
|
|
Թբիլիսի |
1081679 |
82586 |
7,63 % |
|
|
Աճարիայի ինքն. Հանրապետությունում |
376016 |
8848 |
2,35 % |
|
|
Գուրիա |
143357 |
2134 |
1,48 % |
|
|
Իմերեթի |
699666 |
1890 |
0,27 % |
|
|
Կախեթի |
407182 |
3789 |
0,93 % |
|
|
Մցխեթա-Մթիանեթի |
125443 |
532 |
0,42 % |
|
|
Ռաճա-Լեչխումի և Ներքին Սվանեթի |
50969 |
28 |
0,05 % |
|
|
Մեգրելիա և Վերին Սվանեթի |
466100 |
476 |
0,1 % |
|
|
Սամցխե-Ջավախք |
207598 |
113347 |
54,59 |
|
|
|
Ադիգենի շրջան |
20752 |
698 |
3,36 % |
|
Ասպինձայի շրջան |
13010 |
2273 |
17,47 % |
|
|
Ախալքալաքի շրջան |
60975 |
57516 |
94,32 % |
|
|
Ախալցխայի շրջան |
46134 |
16879 |
36,58 % |
|
|
Բորոջոմի շրջան |
32422 |
3124 |
9,63 % |
|
|
Նինոծմինդայի շրջան |
34305 |
32857 |
95,77 % |
|
|
Քվեմո Քարթլի |
497530 |
31777 |
6,38 % |
|
|
Շիդա Քարթլի |
314039 |
3521 |
1,12 % |
|
Մայրենի լեզվի մասին տվյալները
Համաձայն «2002թ.ի բնակչության ընդհանուր մարդահամարի» տվյալների` 235531 հայ նշել են հայերենը` որպես մայրենի լեզու: Այսինքն` Վրաստանի քաղաքացի հայերի 94,61 %-ը իրենց մայրենի լեզուն համարում են հայոց լեզուն: Միաժամանակ 11 852 վրացի և 1 281 ռուս նշել են, որ կատարյալ տիրապետում են հայերեն լեզվին:
5 692 հայեր նշել են, որ իրենց համար մայրենի լեզուն վրացերենն է: Իսկ 7 525 հայ, որպես մայրենի լեզու է նշել ռուսերենը: Հարկ է նշել, որ հայերենը որպես մայրենի լեզու է նշել 15 վրացի, 19 ադրբեջանցի: 81 414 հայ նշել է, որ կատարյալ տիրապետում է վրացերենին: 95 618 հայեր հայտնել են, որ ոչ մի այլ լեզվի բացի մայրենիից չեն տիրապետում:
Ցավոք, «ՍակՍտատ»-ը չի հրատարակել ոչ մի տեղեկություն, որի համաձայն հնարավոր կլիներ ուսումնասիրել լեզվական պատկերն ըստ երկրի շրջանների: Մինչդեռ ինչ վերաբերում է կրոնին, Ազգային վիճակագրական ծառայությունը ներկայացրել է հետևյալ տվյալները, այդ թվում նաև ըստ շրջանների.
Վրաստանի 171 139 քաղաքացիներ նշել են, որ Հայ առաքելական եկեղեցու հետևորդներ են, ինչը կազմում է Վրաստանում ապրող հայության ընդհանուր քանակի 68,б75 %-ը և երկրի բոլոր քաղաքացիների քանակի 3,9%-ը:
Հայ առաքելական եկեղեցու հետևորդներն են
Թբիլիսիում` 51 687 մարդ, Սամցխե-Ջավախքում` 87 827 մարդ, Քվեմո-Քարթլիում` 25 688 մարդ,Աջարիայի ինքնավար հանրապետությունում`3 162 մարդ, Կախեթիում`1 146 մարդ և 1629 մարդ Վրաստանի այլ շրջաններում:
Ընդամենը մի քանի ամիս անց հայտնի կդառնան նոր տվյալները: Տեսնենք, թե ինչ կորուստներ ենք ունեցել 12-ամյա ժամանակահատվածում 2002թ.-ից ի վեր:
Մեկնաբանել