"Համայնքային ծառայության մասին" ՀՀ օրենքով ու տարածքային կառավարման նախարարի հրամանով, ըստ համայնքների, համայնքային ծառայության պաշտոնների յուրաքանչյուր խմբի ընդհանուր նկարագրի հիման վրա հաստատվել են համայնքային ծառայության պաշտոնների անվանացանկերը: Սյունիքի մարզի համայնքներում, ըստ անվանացանկի, կա համայնքային ծառայության 398 պաշտոն, որից համալրված է 278-ը: Ինչպես տեղեկացրեց մարզպետարանի ՏԻՄ և ՀՄՏԾ գործունեության համակարգման վարչության պետ Սեյրան Ավետիսյանը, համայնքային ծառայության 111 թափուր պաշտոնների համալրման նպատակով 2008թ. սեպտեմբեր- հոկտեմբեր ամիսներին մարզի 78 համայնքներում հայտարարվել էին մրցույթներ, սակայն դրանք կայացել են 37 համայնքներում: Գյուղական 41 համայնքներում աշխատակազմերի քարտուղարների համալրման համար մրցույթներ չեն կայացել համապատասխան կադրերի (դիմումների) բացակայության պատճառով: Հարկ է նշել, որ Կապանի, Մեղրիի, Սիսիանի ու Ագարակի քաղաքապետերը պատրաստվում են փոփոխություններ կատարել աշխատակազմերում, ու մեկ տեղակալի փոխարեն կունենան 2 տեղակալ: