Հրապարակվել են ՀՀ ֆինանսների նախարարությունում տեղի ունեցած աուդիտորների որակավորման ընթացիկ տարում անցկացված թվով տասներեքերորդ քննության արդյունքները, ըստ որի` քննությանը ներկայացած բոլոր 12 դիմորդներից երեքը որակավորվել են: ՀՀ ֆինանսների նախարարության կողմից որակավորված աուդիտորի վկայական է շնորհվել նաեւ Հաշվապահների միջազգային դաշնության անդամ կազմակերպությունների կողմից անցկացված քննությունների արդյունքում որակավորված երկու աուդիտորի` ներկայացված փաստաթղթերի հիման վրա: Ընդհանուր առմամբ 2008 թվականի ընթացքում տրվել է 32 աուդիտորի որակավորման վկայական: 01.12.2008 թվականի դրությամբ Հայաստանի Հանրապետությունում որակավորման վկայական ունի 55 աուդիտոր: Այս մասին հայտնում է ֆինանսաների նախարարության կայքէջը: