Տեսանյութեր
Լուսանկարներ
«Անվնաս հավաք»
«Հետքի» խնդրանքով այսօրվա ասուլիսում ԱԺ անկախ պատգամավոր Տիգրան Թորոսյանը ներկայացրեց իր վերաբերմունքը նախագահ Սերժ Սարգսյանի նախաձեռնությամբ անցկացված խորհրդակցությանը եւ հանրային քննարկումների գաղափարին: Քննարկումը, որին մասնակցել էին 50 կուսակցությունների ղեկավարներ, Տ. Թորոսյանը որակեց «անվանս հավաք»: Նա գտնում է, որ այդպիսի հավաքներ կարելի է հաճախ կազմակերպել, քանի որ «մասնակից կողմերին հանդիպումը լիովին բավարարեց»:
Ոչ մեկին վիրավորել չցանկանալով` ԱԺ պատգամավորը, այնուամենայնիվ, կարծում է, որ Հայաստանում 50 կուսակցություն չկա. «Եթե ունենք քաղաքական քննարկումներ անցկացնելու լուրջ ցանկություն, ապա դա համապատասխան ֆորմատը չէր»: Թորոսյանը վստահ է, որ «նոր բանի մասին» խորհրդակցության ժամանակ չի խոսվել: Ըստ նրա` խնդրի շուրջ պակասում են փորձագիտական քննարկումները, որը շատ մարդկանց համար կարող է կողմնորոշման հիմք դառնալ. «Հանրային քննարկումներ պետք է լինեն, քանի որ սա այն հարցը չէ, որ կարելի է մութ ու փակ սենյակում լուծել»:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել