Նոր Ժամանակներ կուսակցությունը տարածել է հայտարարություն, ըստ որի`«...կուսակցությունը գտնում է, որ 2008թ. նախագահական ընտրություններին ակտիվ ընդդիմադիր դիրքորոշում որդեգրած անձին` Սմբատ Այվազյանին 2 տարվա ազատազրկման դատապարտելը քաղաքական պատվերի հետևանք է, իսկ Սմբատ Այվազյանը` քաղաքական բանտարկյալ: Բացառապես ոստիկանության աշխատակիցների ցուցմունքների հիման վրա քաղաքական ակտիվ դիրքորոշում ունեցող գործչին ազատազրկելը և հասարակությունից մեկուսացնելը քաղաքական հաշվեհարդարի վառ օրինակ է»: Հիշեցնենք, որ նոյեմբերի 19-ին Կենտրոն եւ Նորք-Մարաշ համայնքների ընդհանուր իրավասության դատարանը պետեկամուտների նախկին նախարար, «Տիգրան Մեծ» ջոկատի հրամանատար Սմբատ Այվազյանին մեղավոր ճանաչեց իշխանության ներկայացուցչի նկատմամբ բռնություն գործադրելու եւ զսպանակավոր մահակ ունենալու համար: