Արդեն մի քանի ամիս է, ինչ Նոյեմբերյան քաղաքում խմելու ջրի խնդիրը սրված է: Քաղաքը սնող հիմնական ջրագիծը սարից ձգվող 58 կմ երկարությամբ ինքնահոս ջրատարն է: Սակայն ամիսներ շարունակ սարերում անձրեւներ չեն տեղում, ինչի պատճառով խիստ պակասել է ջրագծի ակունքում հավաքվող մակերեսային ջրի քանակը: Քաղաքը սնուցող երկրորդ ջրագիծը սկիզբ է առնում խորքային հորի ջուրը մատակարարող Բերդավանի պոմպակայանից: Սակայն այս պոմպակայանում էլ անպակաս են մղող պոմպերի վթարները: Ներկայումս քաղաքի բազմաբնակարան շենքերը խմելու ջուր են ստանում 5-6 օրը մեկ: Բնակիչները ուրախանում են, երբ անձրեւ է տեղում, որովհետեւ կուտակված անջրեւաջուրը օգտագործում են կենցաղային այլ կարիքների համար: