Տեսանյութեր
Լուսանկարներ
Չախալյանների դատական նիստը կհետաձգվի
“Միասնական Ջավախք” դեմոկրատական դաշինքի նախագահ Վահագնի և նրա ընտանիքի անդամներ Արմեն և Ռուբեն Չախալյանների դատական նիստը նշանակված էր այսօր: Սակայն Չախալյանների փաստաբան Ստեփան Ոսկանյանը երեկ վերադարձել է Չախալյանների գործով Վրաստան կատարած այցելությունից և իր առողջական վատ վիճակի պատճառով միջնորդագիր է ուղարկել դատարան՝ նիստը 10 օրով հետաձգելու: Ստեփան Ոսկանյանը Թբիլիսիում դիմավորել է հայազգի փաստաբան Պատրիկ Արաբյանին, ով նույնպես մասնակցելու է Չախալյանների պաշտպանությանը: Նրանք միասին այցելել են Ախալքալաք, փորձել են հանդիպել Ախալքալաքի շրջանի ոստիկանապետ Սամվել Պետրոսյանի և դատական նիստը նախագահող դատավոր Ցիրա Մայսուրաձեի հետ, սակայն հանդիպման առաջարկները մերժվել են:
Հիշեցնենք, որ Վահագնի անչափահաս եղբայրը վերջերս լուրջ առողջական խնդիրներ ուներ: «Ես Թբիլիսիում տեսակցել եմ իմ պաշտպանյալներին` Վահագն և Արմեն Չախալյաններին: Արմենի վիճակը նույնն է, ոչ մի փոփոխություն»,- պարզաբանեց փաստաբանը:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել