Երեկ Շիրակի մարզի Մեծ Մանթաշ համայնքում նորից ՏԻՄ ընտրություններ կայացան: Բազմաթիվ ընտրախախտումներ արձանագրելու պատճառով Կենտրոնական ընտրական հանձնաժողովը անվավեր էր ճանաչել հոկտեմբերի 26-ին այս գյուղում կայացած ՏԻՄ ընտրությունները, որտեղ երեք ձայնի առավելությամբ հանրապետական Բաբկեն Չախոյանը առաջ էր անցել նախկին գյուղապետ, անկուսակցական Գրիգոր Սարգսյանից: Վերջինս էլ բողոքարկելով ընտրության արդյունքները` կարողացավ նորից վերականգնվել իր պաշտոնում: Ըստ վերաքվեարկության արդյունքների` Գրիգոր Սարգսյանը հավաքեց 562, հանրապետական Բաբկեն Չախոյանը` 553 ձայն, իսկ 21 քվեաթերթիկներ ճանաչվեցին անվավեր: