![](/static/articles/33/49/l-LbGEwQ48ar.jpg)
«Հրապարակ». Ներսիկն աշխատելու է
ՀՀ ոստիկանապետ Ալիկ Սարգսյանի և ոստիկանության Երևանի վարչության պետ Ներսես Նազարյանի հարաբերությունները, ըստ լրատվամիջոցների, վերջին օրերին դարձյալ լարվել են:
Անցած ուրբաթ ոստիկանության կոլեգիայի վերջին նիստում Ալիկ Սարգսյանն առանց անուն նշելու խոսել է իր ենթականերից մեկի մասին, ով մամուլում սևացնում է իր գործընկերներին` հոդվածներ պատվիրելով նրանց դեմ:
Չնայած նա անուն չի տվել, բայց ոստիկանապետի ակնարկը գրեթե բոլորին հասկանալի է եղել. խոսքը վերաբերվել է Ներսես Նազարյանին:
Երևանի ոսիտիկանապետ Նազարյանը, ով այս պահին արձակուրդում է, հնարավոր է, որ շուտով հրաժեշտ տա պաշտոնին: Սակայն ոստիկանապետի առաջին տեղակալ, գեներալ-մայոր Հունան Պողոսյանը թերթի թղթակցի հետ զրույցում նշել է, որ ներկայումս նման հարց չի քննարկվում:
Իսկ խոսակցությունների պատճառն այն է, որ ՀՀ ոստիկանապետն օրերս եղել է ոստիկանության Երևանի վարչությունում, անցկացրել է օպերատիվ խորհրդակցություն, ամփոփել առաջին կիսամյակի աշխատանքները:
«Թերացողներին տվել է խիստ հանձնարարականներ, այդ թվում և վարչության պետին, որպեսզի այդ թերությունները վերացվեն շուտափույթ: Դա չի նշանակում, որ պետը պիտի փոխվի»,- ասել է Հունան Պողոսյանը:
Մեկնաբանել