Այսօր Արցախյան պատերազմի 1-ին կարգի 9 հաշմանդամի Ստեփանակերտի վերածննդի հրապարակում ԼՂՀ վարչապետ Արա Հարությունյանը հանձնեց ձեռքի կառավարմամբ ավտոմեքենաների բանալիները: Հաշմանդամների մրջազգային օրվա նախօրյակի այս միջոցառումը տարվա սկզբին մեկնարկած արցախյան պատերազմի վետերանների սոցիալական աջակցության ծրագրի շրջանակներում երրորդն է: Ծրագիրն իրականացվում է ոչ միայն պետության, այլեւ հովանավորների միջոցներով: Այս անգամ ծրագրին սատարել է բարերար Սուրեն Ավագյանը` Հայաստանից: Հիշեցնենք, որ նախորդ երկու միջոցառումների ընթացքում մեքենաներ տրամադրվեցին արցախյան պատերազմի առաջին կարգի 16 հաշմանդամների: