Երեկ Բաքվում ԵԱՀԿ Մինսկի խմբի երեք համանախահագների այցի ընթացքում ամերիկացի համանախագահ Մեթյու Բրազյան խոսել է “գրավյալ” տարածքների հնարավոր վերադարձման մասին. “Հուսով ենք, որ տարածքները կվերադարձվեն Ադրբեջանին, որպեսզի փախստականները կարողանան վերադառնալ: Հնարավոր է միջանցք ստեղծվի, հնարավոր է խաղաղապահ ուժեր մտցվեն, հնարավոր է երբևէ անցկացվի հանրաքվե, հնարավոր է` ոչ”:Ի դեպ, նա նշել է, որ ռուսական զորքերը չեն կարող խաղաղապահ առաքելություն իրականացնել հակամարտության գոտում: Դիվանագետը դա բացատրել է նրանով, որ իրենք գործել են համաձայն այն սկզբունքի, որ եթե ապագայում հակամարտության գոտում տեղակայվեն խաղապահ ուժեր, ապա դրանք չպետք է լինեն ԵԱՀԿ համանախագահող մի երկրից կամ տարածաշրջանի հարևան երկրներից: