Այսօր հրավիրված ասուլիսի ժամանակ փոխոստիկանապետ Գեւորգ Մհերյանը տղեկացրեց, որ եթե նախկինում հստակ կանոնակարգում չկար, թե ինչ ժամկետներում պետք է քաղաքացու անձնագիրը տրամադրվեր, հիմա ընդունվել է գերատեսչական ակտ, որի համաձայն` սահմանվել է հնգօրյա ժամկետ: Պետական տուրքի չափը մնացել է անփոփոխ՝ 1000 դրամ: «Այս պահին մշակում ենք կառավարության որոշման նախագիծ, ըստ որի, եթե քաղաքացին կցանկանա անձնագիրը ստանալ ավելի սեղմ ժամկետներում, այն կարող է տրամադրվել մեկ օրվա ընթացքում՝ 20 հազար դրամի, իսկ մինչև 4 օրվա դեպքում՝ 10 հազար դրամի դիմաց»,- նշեց Գեւորգ Մհերյանը