Կուսակցության տեսակետը այսօր ներկայացրեցին վարչության նախագահ Անահիտ Բախշյանը եւ մամուլի խոսնակ Հովսեփ Խուրշուդյանը: Ըստ կուսակցության` հռչակագիրը վտանգավոր է, քանի որ այն շարունակությունն է Հայաստանի եւ Ղարաբաղի ազգային պետական շահերի հաշվին գերտերությունների շահերը սպասարկելու գործընթացին: Ըստ կուսակցության` կորզվեց պաշտոնական Երեւանի «դրական վերաբերմունքը»: Ժառանգությունը մտահոգություն ունի, որ ամրագրված սկզբունքները չեն ապահովում Ղարաբաղյան հակամարտության արդար լուծումը, եւ անընդունելի է համարում տարածքների եւ փախստականների միակողմանի վերադարձը, Լեռնային Ղարաբաղի կարգավիճակի որոշման հետաձգումը:

Եթե իշխանությունը հաշվի չառնի «Ժառանգության» տեսակետը եւ շարունակի գործընթացը, ապա որպես քաղաքական ուժ կուսակցությունը պատրաստ է զանգվածային միջոցառումներ կազմակերպել, եւ պայքարել մինչեւ գործող նախագահի հրաժարականը: