Երեկ ՀՀ վերահսկիչ պալատը հանդես եկավ հաշվետվությամբ, որտեղ ներկայացվեց Տրանսպորտի եւ կապի նախարարության պետական պատվերի եւ ծրագրերի կատարման նպատակով պետական բյուջեից հատկացված միջոցների օգտագործման եւ բյուջետային մուտքերի ապահովման, ինչպես նաեւ` պետական սեփականության կառավարման եւ օգտագործման նկատմամբ իրականացված վերահսկողության արդյունքում հայտնաբերված մի շարք խախտումներ եւ չարաշահումներ: Տրանսպորտի եւ կապի նախարարության մամլո քարտուղար Սուսաննա Տոնոյանը տեղեկացրեց, որ Վերահսկիչ պալատի հայտնաբերած խախտումների եւ չարաշահումների առիթով որեւէ մեկը պատասխանատվության չի ենթարկվել եւ չի հեռացվել աշխատանքից: