Սեյսմիկ պաշտպանության ազգային ծառայության գործակալության պետի տեղակալ Հրաչյա Պետրոսյանը երեկ տեղի ունեցած երկրաշարժը գնահատում է որպես " թույլ ցնցում, որը հնարավոր չէ կանխատեսել և անգամ անիմաստ է կանխատեսել": Ըստ նրա` նման երկրաշարժեր լինում են տարին մի քանի անգամ, այդ թվում նաև Հայաստանում: "Իհարկե, հասկանալի է, որ մարդիկ խուճապի են մատնվում, բայց, որպես կանոն, այդ թույլ երկրաշարժերը որևէ վտանգ չեն ներկայացնում, և անհանգստության կարիք չկա",- հավաստիացնում է պրն Պետրոսյանը: