Տեսանյութեր
Լուսանկարներ
Հռչակագիր Ղարաբաղյան հակամարտության խաղաղ կարգավորման մասին
Ռուսաստանի, Ադրբեջանի եւ Հայաստանի նախագահները այսօր ստորագրել են:
Հռչակագիրը ենթադրում է Ղարաբաղյան հակամարտության կարգավորման իրավաբանորեն պարտադրված միջազգային երաշխիքներ: «Նախագահները հանձնարարել են աջակցել Հարավային Կովկասում իրավիճակի առողջացմանը»,- ասվում է Հռչակագրում:
Նախագահները ընդգծել են ԵԱՀԿ-ի Մինսկի խմբի միջնորդական ջանքերի կարեւորությունը: Նախագահները հաստատել են, որ խաղաղ կարգավորման իրագործումը պետք է ուղեկցվի իրավաբանորեն պարտադրված միջազգային երաշխիքներով: Նախագահներ Մեդվեդեւը, Ալիեւը եւ Սարգսյանը պայմանավորվել են շարունակել բարձր մակարդակով աշխատել հակամարտության կարգավորման քաղաքական համաձայնեցման ուղղությամբ եւ հանձնարարել են ԱԳՆ ղեկավարներին ակտիվացնել քայլերը բանակցային գործընթացում:
ԵԱՀԿ Մինսկի խմբի ռուս համանախագահ Յուրի Մերզլյակովը Իտառ-Տասս լրատվական գործակալությանը ասել է, որ Հռչակագրի հիմնական արժեքը կայանում է նրանում, որ այն 1994 թ.ին հակամարտող կողմերի միջեւ հաստատված պայմանավորվածությունն է թղթի վրա: «Կարեւորն այն է, որ 1994-ից հետո չի եղել նմանատիպ մի փաստաթուղթ, որի տակ իրենց ստորագրությունները դնեին հակամարտող երկու կողմերը»,- պարզաբանել է Մերզլյակովը: Նա Հռչակագիրը համարում է «շատ կարեւոր փաստաթուղթ», որը կարող է տալ նոր լիցք Ղարաբաղյան հարցի խաղաղ կարգավորման հետագա գործընթացին:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել