Ղարաբաղում սկսվել է ռադիոհաղորդումների եթերային հեռարձակման լիցենզիա տրամադրելու գործընթացը: Երեկ ԼՂՀ հանրային ծառայությունները եւ տնտեսական մրցակցությունը կարգավորող պետական հանձնաժողովը որոշել է Ստեփանակերտ քաղաքի եւ հարակից շրջանների տարածքում ռադիոհաղորդումների եթերային հեռարձակման լիցենզիա տրամադրել «Միքս մեդիա» եւ «Ռադիո Հայ» սահմանափակ պատասխանատվությամբ ընկերություններին:

Ինչպես Հետքին տեղեկացրեց հանձնաժողովի նախագահ Վաչե Ադամյանը, դրանք հանձնաժողովի կողմից տրամադրված առաջին լիցենզիաներն են վերոնշյալ բնագավառում: Հիշեցնենք, որ Ղարաբաղում բացի վերոհիշյալ երկու ընկերություններից գործունեություն են ծավալում եւս մի քանի ռադիոընկերություններ: