«Չենք լռելու» երիտասարդական նախաձեռնությունը հայտնում է, որ այժմ Ռուսաստանում բնակվող հայազգի երիտասարդ կինոռեժիսոր Արիկ Մանուկյանի «Մամոչկա» կինոնկարը հաղթող է ճանաչվել Գերմանիայի Դյուսելդորֆ քաղաքում ամեն տարի անցկացվող կարճամետրաժ ֆիլմերի «Հորիզոն» փառատոնում:

Ֆիլմում փայլուն կերպով ներկայացվում են ռուսական իրականության մեջ միայնակ մայերի խնդիրները և իշխանությունների կողմից նրանց հանդեպ հոգատարության ու սրտացավ վերաբերմունքի բացակայությունը:

«Չենք լռելու» երիտասարդական նախաձեռնությունը շնորհավորում է հայ ռեժիսորին այս հաղթանակի առթիվ` մաղթելով նորոնոր հաջողություններ: