Ադրբեջանի նախագահ Իլհամ Ալիեւն իր ամանորյա ուղերձում չի մոռացել ադրադառնալՂարաբաղյան խնդրին: Խոսելով այդ մասին նա անընդհատ շեշտել է հայ-ադրբեջանական, Լեռնային-ղարաբաղյան կոնֆլիկտ բառակապակցությունները: Ինչպես իր նախորդ ամանորյա բոլոր ելույթներում, այս անգամ էլ Ալիեւն ասել է նույն բանը, որ այդ կոնֆլիկտը լուծվելու է բացառապես Ադրբեջանի տարածքային ամբողջականության շրջանակում: «Այլ ճանապարհ չկա: Ադրբեջանի պետությունը եւ ադրբեջանի ժողովուրդը Լեռնային Ղարաբաղին երբեք չի տա անկախություն: Լեռնային Ղարաբաղը համարվում է բնիկ ադրբեջանական հողեր եւ մենք կներդնենք բոլոր ջանքերը Ադրբեջանի տարածքային ամբողջականությունը վերականգնելու համար: Կարելի է օգտագործել եւ քաղաքական, եւ դիվանագիտական, եւ եթե անհրաժեշտ լինի, ռազմական միջոցները: Այդ իրավունքը մենք ունենք: Միջազգային իրավունքը դա ապահովում է»: