Հրապարակվել են ՀՀ ֆինանսների նախարարության կողմից անցկացված աուդիտորների որակավորման այս տարվա ընթացքում վերջին քննության արդյունքները, որոնց համաձայն` քննությանը մասնակցած 14 դիմորդներից վեցին շնորհվել է որակավորված աուդիտորի վկայական: Հայտ ներկայացրած մեկ դիմորդ չի ներկայացել: ՀՀ ֆինանսների նախարարության կողմից որակավորման վկայական է շնորհվել նաև Հաշվապահների միջազգային դաշնության անդամ կազմակերպության կողմից որակավորված մեկ աուդիտորի` ներկայացված փաստաթղթերի հիման վրա: 2008 թվականի ընթացքում ընդհանուր առմամբ անցկացվել է աուդիտորների որակավորման 15 քննություն: Արդյունքում` 199 դիմորդներից քննությանը մասնակցել է 159-ը, որոնցից 41-ին շնորհվել է որակավորված աուդիտորի վկայական: Հայաստանի Հանրապետությունում 27.12.2008 թվականի դրությամբ որակավորման վկայական ունի 70 աուդիտոր: