Երեկ` ժամը 19.30-ի սահմաններում, «Կովկաս» պանդոկի դիմաց կռիվ անելու համար ոստիկանները բերման են ենթարկել 5 երիտասարդի: «Պարզվել է, որ նրանք, գտնվելով ալկոհոլի ազդեցության տակ, դիտավորությամբ կոպիտ կերպով խախտել են հասարակական կարգը, վիճաբանել եւ ծեծի են ենթարկել նշված պանդոկի մենեջեր Սեդրակ Ն.-ին, ապա բռնություն են գործադրել իրենց մոտեցած ոստիկանության աշխատակիցների նկատմամբ, փորձել են խլել ոստիկաններից մեկի հաշվեցուցակային ատրճանակը, որը կանխելու նպատակով վերջինս 1 անգամ նախազգուշական կրակոց է արձակել օդ»,- տեղեկացնում է ոստիկանության կայքէջը: