Եթե անցյալ 11 տարիների ընթացքում ՀՀ քաղաքացիություն է ստացել 1735 անձ, ապա միայն այս տարվա ընթացքում Հայաստանի քաղաքացիություն է ստացել 1309 մարդ: Այս մասին այսօր հրավիրված ասուլիսի ժամանակ հայտնեց ոստիկանության անձնագրերի և վիզաների վարչության պետ Նորայր Մուրադխանյանը: Նրա խոսքերով` դա ուղղակի պայմանավորված է «Երկքաղաքացիության մասին» օրենքի ընդունմամբ: «1249 անձ ՀՀ քաղաքացիություն ստացել են որպես երկրորդ քաղաքացիություն, եւ միայն 60 մարդ է մինչ այդ եղել առանց որեւէ քաղաքացիության»,- տեղեկացրեց Նորայր Մուրադխանյանը` միաժամանակ նշելով, որ 2008 թ. ընթացքում ՀՀ քաղաքացիությունից հրաժարվել է 312 անձ: