Այսօր տեղի ունեցած մամլո ասուլիսի ժամանակ Կապի և տրանսպորտի նախարար Գուրգեն Սարգսյանը ասաց, որ տնտեսական ճգնաժամը լինելով գլոբալ երևույթ ամպայմանորեն ազդում է ընդհանուր տնտեսության վրա: Ըստ Գ. Սարգսյանի աշխարհի փորձը ցույց է տալիս տրանսպորտի և կապի բնագավառում ենթակառուցվածքների վրա ուշադրությունը բևեռելու միջոցով կարելի է հաղթահարել ճգնաժամը: Նախարարը նկատի ունի առաջին հերթին ճանապարհաշինարարության իրականացումը, որի համար ըստ նրա ոչ միայն 2009թ պետական բյուջեից, այլև Ասիական բանկը և «Հազարամյակի մարտահրավերներ հիմնադրամ Հայաստան»- ի կողմից բավականին մեծ գումարներ են տրամադրվելու: Լրագրողների այն հիշեցմանը , որ «Հազարամյակի մարտահրավեր» կորպորացիան ժամանակավորապես դադարեցրել է գումարների փոխանցումը, նախախարը շատ արձագանքեց. «Մենք այդ հարցի լուծումը կգտնենք, ամեն դեպքում կառավարության գործունեության ծրագրով 2012թ մենք ստանձնել ենք պարտավորություն բոլոր բնակավայրերն առնվազն մեկ բարեկարգ ճանապարհով կապել մոտական մայրուղու հետ և այդ նախագիծն իրականացնելու ենք»: Ի դեպ « Հազարամյակի մսրտահրավերներ» ծրագրով հիմնանորոգվելու են 300 կմ գյուղական ճանապարհներ, որի համար նախատեսված է ծախսել 67 մլն դոլար : Այս տարի պետական բյուջեի միջոցներով իրակակնացվել է 11.520 մլն. դրամի հիմնանորոգման աշխատանքներ, իսկ պետական նշանակության ավտոճանապարհների , այդ թվում միջպետական և հանրապետական կառույցների պահպանման և շահագործման ծրագրով կատարվել է 5661.31 մմլն դրամի աշխատանք: Ասիական զարգացման բանկի բանկի ծրագրով Գեղարքունիքի, Արմավիրի, Արարատի, Կոտայքի մարզերում պետք է հիմնանորոգվի 227 կմ ճանապարհահատված, դրա համար նախատեսված է 41.9 մլն դրամ: Գ. Սարգսյանի խոսքերով այս տարի արդեն սկսվել են 109 կմ հիմնանորոգման աշխատանքներ, որոնք կավարտվեն 2009թ: Գ. Սարգսյանը նաև ասաց, որ այս տարի պայմանավորվածություն է ձեռք բերվել վրացական կողմի հետ վերակառուցելու Երևան- Բաթումի ավտոճանապարհը: Այն կկրճատի ներկայիս գործող ճանապարհը, կնպաստի բեռնափոխադրումների ծավալների ավելացմանը: Ըստ Կապի և տրասնպորտի նախարարի այս ծրագրի ֆիանանսավորումը Վրաստանում իրականացվելու է պետական բյուջեի, Ասիական բանկի և «Հազարամյակի մարտահրավերներ» ծրագրրի տրամադրած միջոցներով, իսկ մեզ մոտ Ասիական բանկի ֆինանսավորմամբ դեռևս ուսումնասիրություններ են գնում: Գուրգեն Սարգսյանը խոսեց նաև բեռնափոխադրումների մասին նշելով, որ այժմ կա փոքր նվազում, բայց Հայաստանը չունի լուրջ խնդիրներ բեռնափոխադրումների հետ կապված: