Երեկ Կիեւի «Ինտեր» հեռուստակայանով ելույթ ունենալով Ուկրաինայի ազգային բանկի ղեկավար Վլադիմիր Ստելմախը հայտնել է, որ կառավարությունն աշխատավարձերը, թոշակները, նպաստները վճարելու համար արդեն միջոցներ չունի: Համաշխարհային տնտեսական ճգնաժամի պատճառով գրեթե ամբողջովին դադարել է մի շարք ապրանքների արտահանումը: Մետալուրգիական արդյունաբերությունը, որ Ուկրաինային ապահովում էր տարադրամի 40 տոկոս մուտքերը, կրճատվել է 60-70 տոկոսով: Ոլորտի բազմաթիվ ձեռնարկություններ պարապուրդի են մատնվել: