Արտգործնախարար Էդվարդ Նալբանդյանը երեկ հանդիպում է ունեցել ԼՂՀ նախագահ Բակո Սահակյանի հետ: Ինչպես նշված է ԼՂՀ նախագահի պաշտոնական կայք-էջում, հանդիպման ընթացքում քննարկվել են հայկական երկու հանրապետությունների արտաքին քաղաքական գերատեսչությունների փոխգործակցության ընդլայնման, ղարաբաղյան հակամարտության կարգավորման ներկա փուլի եւ հեռանկարների հետ կապված հարցեր: Հանդիպմանը մասնակցում էր ԼՂՀ արտգործնախարար Գեորգի Պետրոսյանը: Ի դեպ, նախատեսված էր, որ Էդվարդ Նալբանդյանը հանդիպումից հետո կպատասխանի լրագրողների հարցերին, սակայն հանդիպումից հետո ՀՀ արտգործնախարարը նախընտրեց ԶԼՄ-ների հարցերին չպատասխանել: Մեր տվյալներով` Էդվարդ Նալբանդյանը այսօր դասախոսություն է կարդալու Արցախի պետական համալսարանում: