Արագածոտնի մարզում կայացած իր արտագնա նիստում կառավարությունն այսօր որոշել է թույլատրել «Երեւանի մերձքաղաքային ուղեւորատար ավտոտրանսպորտային» ԲԲԸ-ին՝ սեփականության իրավունքով իրեն պատկանող Երեւանի Նուբարաշենի խճուղի 9 հասցեում գտնվող 2297.1 հա հողատարածքը` զբաղեցված 3 շենք-շինություններով հանդերձ, մասնակի հատուցմամբ օտարել Հայաստանի Հանրապետությանը` ի դեմս Ազգային անվտանգության ծառայության։ Կառավարության մամլո գրասենյակի փոխանցմամբ` հիշյալ գույքը ձեռք բերելու նպատակով գործադիրն այս տարվա պահուստային ֆոնդից 15 մլն դրամ է հատկացրել ԱԱԾ-ին։ Իսկ հանձնման-ընդունման աշխատանքների ավարտից հետո վերոհիշյալ բաց բաժնետիրական ընկերությունը կլուծարվի: