Ինչպես արդեն տեղեկացրել ենք, Ագարակի պղնձամոլիբդենային կոմբինատի տնօրինությունը միջազգային ճգնաժամի հետեւանքով 300 աշխատակցի անորոշ ժամկետով ուղարկել է հարկադիր պարապուրդի: Մեզ հետ ունեցած հեռախոսազրույցում աշխատակիցների մեծ մասը նշեց, որ հարկադիր պարապուրդի բոլոր ուղարկվածների աշխատանքային պայմանագրերը ավարտվում են դեկտեմբերի 31-ին: Փաստորեն, 300 հոգի ակամա դառնում է գործազուրկ, քանզի կոմբինատի տնօրինությունը նրանց հետ պայմանագրերը չի երկարաձգելու: Հինգշաբթի մեզ չհաղոջվեց կոմբինատի տնօրինությունից որևէ մեկնաբանություն ստանալ. ձեռնարկության ոչ մի հեռախոսահամար չպատասխանեց, իսկ գլխավոր տնօրեն Գեորգի Դեւաձեն արձակուրդում է: