Այսօրվա դրությամբ 2008 թ. փետրվարի 19-ի նախագահական ընտրություններից հետո ծավալված դեպքերի պատճառով նախնական կալանքի տակ գտնվող մեղադրյալներ չկան: Քրեական գործից առանձին վարույթներ են անջատվել, եւ դատարան է ուղարկվել 90 քրեական գործ՝ 111 անձի վերաբերյալ, որոնցից 87 քրեական գործով 101 անձի վերաբերյալ կայացվել են դատական ակտեր: Այս մասին հաղորդում է գլխավոր դատախազության մամլո ծառայությունը: Ըստ այդմ՝ - 5 անձ արդարացվել է, - 1 անձի վերաբերյալ քրեական գործը կարճվել է` տուժողի հետ հաշտվելու պատճառով, - 5 անձի նկատմամբ որպես պատիժ նշանակվել է տուգանք, - 38 անձ պայմանականորեն ազատվել է պատժի կրումից, սահմանվել է փորձաշրջան, - 52 անձ դատապարտվել է ազատազրկման, որից 1 անձի նկատմամբ նշանակվել է օրենքով նախատեսված պատժից մեղմ պատիժ։ «26 անձի նկատմամբ քրեական հետապնդումը դադարեցվել է, եւ նրանց մասով քրեական գործերը կարճվել են»,- ասվում է դատախազության հաղորդագրությունում: