Դեկտեմբերի 21-ին, Լոս Անջելես քաղաքում, տեղական ժամանակով ժամը 16.00-ից մինչև կեսգիշեր AMGA հեռուստաալիքով տեղի կունենա հեռուստամարաթոն, որը կազմակերպում է Քաղաքացիական զարգացման կենտրոնը (ԱՄՆ)` համագործակցությամբ «Եվրոկանչ» զարգացման հասարակական կազմակերպության (Հայաստան): Հեռուստամարաթոնը կհեռարձակվի նաեւ www.amgatv.com կայքով: Հեռուստամարաթոնից գոյացած միջոցները կուղղվեն Հայաստանում ժողովրդավարության զարգացմանն ու մարդու իրավունքների պաշտպանությանը, մասնավորապես քաղբանտարկյալների ու հետապնդվողների իրավական եւ նրանց ընտանիքների սոցիալական աջակցության հետ կապված խնդիրների լուծմանը: