«Քաղբանտարկյալների նկատմամբ հարուցված քրեական գործերում իբրեւ զանգվածային անկարգությունների կազմակերպչներ թվարկվում են կոնկրետ անուններ եւ «մյուսները» ձեւակերպումը: Ավելի քան ինը ամիս անց ճշտվե՞լ են, արդյոք, այդ «մյուսների» ինքնությունը: Ավելին` որոշ մարդիկ մամուլի միջոցով իրենց ներկայացրել են իբրեւ «մյուսներ»: Նրանց նկատմամբ նույնպե՞ս հարուցվելու են քրեական գործեր»: Այս հարցերն այսօր Գլխավոր դատախազությունում հրավիրված ասուլիսի ժամանակ ուղղվեցին մարտի 1-2-ի գործերով գլխավոր մեղադրող Կորյուն Փիլոյանին եւ ՀՔԾ ղեկավար Վահագն Հարությունյանին: «Ձեր ասած քաղբանտարկյալների քրեական գործերին ես ծանոթ չեմ, որովհետեւ նման քրեական գործ իմ տրամադրության տակ երբեւէ չի եղել: Քաղբանտարկյալի վերաբերյալ քրեական գործ Հանրապետության հատուկ քննչական ծառայությունում եւ Գլխավոր դատախազությունում չի եղել եւ ներկայումս չկա»,- ի պատասխան` նշեց մարտի 1-2-ի գործերով դատարաններում իբրեւ գլխավոր մեղադրող հանդես եկեղ Կորյուն Փիլոյանը: