Տեսանյութեր
Լուսանկարներ
Լեւոն Տեր-Պետրոսյանը հանդիպել է ԵԱՀԿ գլխավոր քարտուղարին
Այսօր առաջին նախագահ Լևոն Տեր-Պետրոսյանն ընդունել է ԵԱՀԿ գլխավոր քարտուղար Մարկ Պերեն դը Բրիշամբոյի գլխավորած պատվիրակությանը: Այս մասին հայտնում է Հայ ազգային կոնգրեսի կենտրոնական գրասենյակը:
Աղբյուրի փոխանցմամբ` ԵԱՀԿ գլխավոր քարտուղարը տեղեկացրել է, որ կազմակերպությունը ուշադրությամբ հետեւում է ինչպես տարածաշրջանային խնդիրներին, այնպես էլ Հայաստանում ընթացող զարգացումներին: Հանդիպմանը քննարկվել են Արցախի հակամարտության խաղաղ կարգավորման, հայ-թուրքական հարաբերությունների կարգավորմանը վերաբերող հարցեր:
«Զրուցակիցները անդրադարձել են նաեւ Հայաստանի ներքաղաքական իրավիճակին, քաղբանտարկյալների խնդիրներին, դեկտեմբերի 19-ին մեկնարկող դատավարությանը: Երկուստեք նշվել է Հայաստանում ժողովրդավարական գործընթացների խորացման անհրաժեժտությունը»,- նշված է կոնգրեսի տարածած հաղորդագրությունում:
Հանդիպմանը հայկական կողմից մասնակցել են նաեւ Լևոն Զուրաբյանը, Դավիթ Շահնազարյանը եւ Վլադիմիր Կարապետյանը:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել