Երեկ` ժամը 18:00-ի սահմաններում, Գեղասար գյուղում 17-ամյա Արմեն Ս.-ն վիճաբանության ժամանակ գրպանի ծալովի դանակով հարվածել է իր հասակակից համագյուղացիներ Արայիկ Գ.-ին եւ Համլետ Մ.-ին: Վերջիններս համապատասխանաբար ողնաշարի գոտկային եւ ձախ գոտկային մասերում ստացած կտրած վերքերով տեղափոխվել են Սպիտակ քաղաքի հիվանդանոց: «Արայիկ Գ.-ին եւ Համլետ Մ.-ին տրվել են դատաբժշկի ուղեգրեր: Դանակն առգրավված է, կատարվում է նախաքննություն»,- տեղեկացնում է ոստիկանության կայքէջը: