Վերջին շրջանում Ղարաբաղի գյուղատնտեսությանն ավելի շատ ուշադրություն է դարձվում. ոլորտի զարգացմանն ուղղվող գումարները տարեցտարի ավելանում են. ԼՂՀ 2009թ. պետբյուջեի նախագծով գյուղատնտեսության ոլորտի զարգացման համար նախատեսվում է հատկացնել 2.097.975.4 հազար դրամ` նախկին տարվա 1.156.999.9 հազար դրամի դիմաց: Գյուղատնտեսության զարգացմանն ուղղված ծրագրերից մեկն էլ գյուղի եւ գյուղատնտեսության աջակցության հիմնադրամին աջակցության ծրագիրն է, որի համար նախատեսվում է 800.000.0 հազար դրամ: Այս մասին օրերս նշել է ԼՂՀ գյուղատնտեսության նախարար Արմո Ծատուրյանը: 800.000.0 հազար դրամի շրջանակներում հաջորդ տարվանից կիրականացվեն տարբեր ծրագրեր. աշնանացան հացահատիկային մշակաբույսերի արտադրության խթանման նպատակով համայնքների հողի սեփականատերերին` անտոկոս եւ պետական պահուստային ֆոնդի վարելահողերի վարձակալներին` 6 տոկոս տոկոսադրույքով փոխառություն կտրամադրվի: Հողի բերրիության բարձրացման համար գույքային փոխառությունները նույնպես կլինեն անտոկոս: Նախատեսվում է նաեւ 6 տոկոս տոկոսադրույքով փոխառություն տրամադրել պետական պահուստային ֆոնդի վարելահողում սեւ ցել կատարած վարձակալներին, ինչպես նաեւ գյուղտեխնիկայի հավաքակայանների համալրման եւ վերազինման նպատակով գյուղտեխնիկայի գնման, անասնապահության զարգացման