Երևանի կենտրոնում՝ Մաշտոցի պողոտայի և Մոսկովյան փողոցի խաչմերուկում, այսօր բացվել է անվանի գրող Վիլյամ Սարոյանի արձանը: Բացման արարողությանը մասնակցել է նաեւ նախագահ Սերժ Սարգսյանը: Այս մասին տեղեկացնում է նախագահի մամլո ծառայությունը: Արձանը հեղինակել է քանդակագործ Դավիթ Երեւանցին, իսկ ճարտարապետներ են Ռուբեն Հասրաթյանը և Լեւոն Իգիթյանը: Արձան տեղադրելու նախաձեռնությունը Համահայկական աշխարհագրական ասոցիացիայի նախագահ, «Օտար, ամայի ճամփեքի վրա» հաղորդաշարի հեղինակ Ռաֆայել Հովհաննիսյանինն է: Աջակցել են սփյուռքի հայ բարերարները, կառավարության աջակցությամբ էլ բարեկարգվել է տարածքն ու իրագործվել են պատվանդանի տեղադրման աշխատանքները: